Ақтобеда автобус ёниб кетди

Ақтобе вилоятининг Ирғиз туманида йўловчи ташиётган автобус ёниб кетди. Ёнғинда 52 киши ҳалоқ бўлди.

Қозоғистон фавқулодда вазиятлар қўмитаси вакили Руслан Иманқулов “2018 йил 18 январь куни соат 10:30 да Ақтобе вилоятининг Ирғиз туманидаги Самара-Чимкент трассасининг 1068-километрида ҳаракатланаётган “Ikarus” русумли йўловчи автобуси ёниб кетди. Салонда 55 нафар йўловчи ва ҳайдовчи бўлган. Йўловчилар ичида Ўзбекистон ватандошлари ҳам бўлган” деб хабар берди.

Маълумотларга кўра, ёнаётган автобусдан 5 нафар йўловчи қутулиб чиқа олган. Уларга тиббий ёрдам кўрсатилмоқда. 52 киши воқеа жойида ҳалок бўлди. Воқеа жойида полиция, қутқарувчи ва тиббий хизмат ходимлари ишламоқда.