10.02.2021
40

Қирғизистон бош вазири Улукбек Марипов Чуй вилояти собиқ губернатори Бақтибек Қудайбергеновни Бишкек шаҳрининг янги мэр вазифасини бажарувчиси этиб тайинлади.

Матбуот хизмати хабарида “Қудайбергенов Бақтибек Жапарович шаҳарга янги мэр сайлангунча Қирғизистон республикаси Бишкек шаҳрининг мэр вазифасини бажарувчи этиб тайинланди. Ушбу қарор республика бош вазири томонидан имзоланди” дейилган.

Ушбу қарор билан бош вазир Мариповнинг кечаги тадбиркор Эрмек Нурғазиевни янги мэр этиб тайинлаш қарори бекор қилинди.

Кеча Бишкек мэри Балбақ Тулобаев уч ойлик хизматидан кейин ўз аризасига кўра истеъфога чиққанди. Бош вазир унинг ўрнига шу куниёқ аёлларга нисбатан куч ишлатиш билан машҳур бўлган Нурғазиевни тайинлаганди. Лекин ушбу қарор аввал жамоатчилик томонидан кейин эса ўлка президенти Садир Жапаров томонидан танқид қилинди.


Изоҳлар
Изоҳ ёзиш

Рўйхатдан ўтиш



Кириш