Чимкентлик шахматчи Қозоғистон чемпиони

Астана шаҳрида ўтказилган Республика биринчилигида вилоятимиз вакили Гулисхан Нахбаева мамлакатнинг кучли шахматчиларини ортда қолдириб, биринчи ўринни эгаллади. Бу ғалаба Гулисханга шахмат бўйича Қозоғистон аёллар термасидан ўрин олишини таъминлади. Энди шимкентлик шахматчи миллий жамоа таркибида май ойида Вьетнамда ўтказиладиган Осиё чемпионатида иштирок этади.
Гулисхан гроссмейстерлик даражаси учун курашни давом эттиришга бел боғлаган. Унинг 2011 йил декабрь ойида London Chess Classic халқаро турнирида 2465 балл тўплаб, кумуш медал соҳиби бўлганини эслатиб ўтамиз. Гулисхан тўплаган бали билан гроссмейстерлик нормативини бажарган эди. Олий титулни қўлга киритиш учун эса учта халқаро турнирларда шундай натижани кўрсатиши керак.