Сўнгги қўнғироқ 1 июнга кўчирилди

Қозоғистон мактабларида сўнгги қўнғироқ 1 юнда ўтказилади. Бу ҳақда маориф вазирлиги маълум қилди.

Маориф вазирлигининг ўрта таълим қўмитаси раиси Гулмира Каримова хабар беришича, ўлка мактабларида ўқув йили 36 ҳафта давом этади. Ўқув йили 1 сентябрдан бошланиб, 31 майда тугайди. 31 май ҳам ўқув куни бўлади.

Гулмира Каримова “1 июнь ёзги таътилнинг биринчи куни бўлади. Шу куни, халқаро болаларни ҳимоя қилиш куни, мактабларда сўнгги қўнғироқ бўлиб ўтади” деди.