Трампга қарши Хитойнинг қатъий жавоби

Хитой Ташқи ишлар вазирлиги матбуот котиби Лин Жиан Трамп маъмуриятига қарши чиқиб, “Агар АҚШ савдо уруши ёки бошқа уруш истаса, биз ҳам охиригача курашамиз”, деди. Хитой 15 та Америка компаниясини экспорт назорати рўйхатига киритди ва АҚШдан келадиган товуқ, жўхори, соя каби маҳсулотларга қўшимча божхонa тўловларини жорий қилди.

АҚШ президенти Дональд Трампнинг Хитой, Канада ва Мексикага нисбатан божхонa тўловларини ошириш ҳақидаги баёнотидан сўнг Пекин жавоб чораларини кўрди.

Хитой АҚШдан импорт қилинадиган асосий озиқ-овқат ва саноат маҳсулотларига оғир тарифлар қўллади ва Америка компанияларига нисбатан чекловларни кучайтирди.

Хитой Ташқи ишлар вазирлиги матбуот котиби Лин Жиан кескин баёнот бериб, “АҚШ божхонa уруши, савдо уруши ёки бошқа уруш истаса, Хитой охиригача курашади”, деб таъкидлади.

Пекин маъмурияти АҚШдан келадиган товуқ, буғдой, жўхори ва пахта маҳсулотларига 15%, соя ва сут маҳсулотларига эса 10% қўшимча божхона тўловларини жорий қилди.

Шунингдек, Хитой 15 та Америка компаниясини экспорт назорати рўйхатига киритди ва АҚШга икки хил мақсадда ишлатиладиган ускуналар экспорт қилишни тақиқлади.

Бунга қўшимча равишда, Пекин ёғоч импорт қилинишини тўхтатди, учта Америка компаниясининг соя экспорти бўйича лицензияларини вақтинча бекор қилди ва оптик толали маҳсулотларга нисбатан демпингга қарши тергов бошлади.