Туркистонда янги дам олиш маскани барпо этилмоқда

Туркистоннинг маъмурий-ишбилармонлик марказида янги оазис — сунъий кўлга эга шаҳар боғи вужудга келмоқда.

Шаҳар аҳолиси ва меҳмонлари учун барча қулайликларни таъминлайдиган, замонавий дам олиш масканига айланиши кутилган ушбу йирик лойиҳа тобора шаклланмоқда.

Шаҳар ҳокими Абзал Пазилбекўғли қурилиш ишларини шахсан назорат қилиб, ҳар бир жиҳатга алоҳида эътибор қаратмоқда. Мутахассислар ва пудратчи ташкилот вакиллари билан учрашув чоғида у асосий устувор йўналишларни белгилади: сифатни таъминлаш ва белгиланган муддатларга амал қилиш.

32 гектар майдонни қамраб олган боғ меҳмонларга гўзал манзаралар ва турли хил дам олиш имкониятларини тақдим этади: безакли пиёда кўприги, фавворалар ва шаршаралар каскади, кузатув майдончалари, шинам кафе ва ресторанлар, нафис меъморий аркалар ва қулай ўриндиқлар.

Қурилиш ишларини жорий йилда якунлаш кўзда тутилган.

Лойиҳа босқичма-босқич амалга оширилмоқда. Ҳозирга келиб асосий иншоотлар қурилиб бўлинган ва айрим участкаларда якуний ишлар олиб борилмоқда.

Боғнинг дастлабки қисмларини фойдаланишга топшириш яқин кунларда режалаштирилган.