Евро-2016 да иштирок этадиган жамоалар

2016 йили Францияда ўтказиладиган навбатдаги футбол бўйича Европа чемпионатида иштирок этадиган 20 та терма жамоа номи аниқланди. 13 октябрь куни Европа чемпионатининг саралаш ўйинларининг гуруҳ босқичи якунланди.

Булар: Франция, Албания, Австрия, Бельгия, Чехия, Англия, Германия, Исландия, Италия, Шимолий Ирландия, Польша, Португалия, Руминия, Россия, Испания, Словакия, Швейцария, Уэльс, Хорватия ва учинчи ўринни эгаллаган жамоалар ичида юқори кўрсаткичга эга бўлган Туркия терма жамоаларидир. Шунингдек, яна тўртта жамоа номи плей-офф ўйинлари орқали аниқланади.

Саралаш босқичида ўз гуруҳларида учинчи ўринни қўлга киритган терма жамоалар плей-офф ўйинида ўзаро куч синашади. Украина, Дания, Швеция, Ирландия, Словения, Босния ва Герцеговина, Норвегия ва Венгрия жамоалари қолган тўртта ўрин учун баҳсларга киришади.