АҚШда кучли қор туфайли 41 киши ҳалок бўлди

АҚШда кучли қор ёғиши туфайли айни вақтга келиб 41 киши ҳалок бўлди, деб хабар бермоқда Associated Press ахборот агентлиги.

Таъкидланишича, барча ўлимлар йўл-транспорт ҳодисалари, ис гази билан заҳарланиш ҳамда қорни тозалаш пайтида юз берган инфарктлар оқибатида содир бўлган.

Вашингтон, Делавэр, Кентукки, Мэриленд, Нью-Джерси, Нью-Йорк, Шимолий ва Жанубий Каролина, Огайо, Пенсильвания, Теннесси, Виргиния штатларида ҳалок бўлганлар жасадлари топилган.

Аввалроқ Вашингтондаги барча федерал давлат муассасалари 25 январга ёпилиши маълум қилинганди.

Шунингдек, Нью-Йорк, Филадельфия ва Балтимор аэропортлари ёмон об-ҳаво шароити тўхтатилган ишини секин-аста яна бошламоқда.

Kun.uzдан олинди.