Амударё орқали ўтувчи янги кўприк очилди

7 март куни Туркманистон Президенти Гурбангули Бердимухамедов ва Ўзбекистон Президенти Шавкат Мирзиёев Амударё орқали ўтувчи Туркманобод-Фароб янги темир йўл ва автомобиль кўприкларини очишди.

1750 метр бўлиб узунликдаги темир йўл кўприги катта сейсмик барқарорликка эга ва ўта оғир юк поездларининг ўтиши ҳисобга олинган. Кўприк остидаги кема ўтиш жойининг баландлиги 10 метр, кенглиги – 60 метрга тенг. Кўприк конструкцияси 18 та темир-бетон таянч устунларига эга. Диаметри 1,5 метр бўлган темир-бетон қозиқлар таянч устунларига тушадиган юкламани бир хилда тақсимлайди. Амударёнинг  ҳар икки қирғоғидаги темир йўл кўприги радиусида қирғоқни мустаҳкамловчи ишлар амалга оширилган. Янги кўприк Туркманистоннинг Лебап вилояти ва қўшни мамлакатлар учун катта геосиёсий, иқтисодий ва ижтимоий аҳамиятга эга.

Ўзбекистон ва Туркманистон президентлари Амударё бўйлаб янги темир йўл кўприги орқали ўтган поезднинг илк йўловчилари бўлишди. Поезд икки давлат раҳбарлари иштирок этган очилиш маросимидан кейин Амударё ўнг қирғоғига янги йўл ўтказгич Туркманобод-Фароб бўйлаб йўл олди.

Амударёнинг ўнг қирғоғида Ўзбекистон ва Туркманистон Президентлари дарё бўйлаб ўтган автомобиль кўприги очилишида иштирок этишди. Бу ҳақда Туркманистон давлат ахборот агентлиги хабар беради.

uz24.uz дан олинди.