Қишки олимпиада ўйинлари очилади

Бугун Пекинда бўлиб ўтадиган қишки олимпиада ўйинларининг тантанали очилиш маросимига спортчилар билан бирга бир қатор юқори лавозимли сиёсий арбоблар ҳам етиб келишди.

Хитой пойтахтига Қозоғистон президенти Қосим-Жўмарт Тўқаев, Қирғизистон президенти Садир Жапаров, Мўғилистон бош вазири, Покистон бош вазири Имрон Хон, БМТ бош котиби Антониу Гутерришлар борди.

XXIV қишки олимпида ўйинлари Пекинда 4 февралдан 20 февралгача бўлиб ўтади.

Қозоғистондан ҳам 34 кишилик спортчилар делегацияси Пекинга етиб борди. Улар конькида учиш, шорт-трек, фристайл-могул, тоғ чанғиси, чанғида трамплиндан сакраш, чанғи иккикураши, биатлон, чанғида учиш, ва фристайл-акробатика спорт турлари бўйича кураш олиб боришади.

Эслатиб ўтамиз, Пекин ҳам ёзги, ҳам қишки олимпиада ўйинларига мезбонлик қилган дунёдаги биринчи шаҳар.