Сардор Бердимуҳаммедов Туркманистон президенти

Туркманистон собиқ президенти Гурбангули Бердимуҳаммедовнинг ўғли Сардор Бердимуҳаммедов президентлик сайловида 72,97% овоз билан ғолиб бўлди

Марказий сайлов комиссияси хабарида “Туркманистон сайлов кодексининг 76-бандига кўра ва марказий сайлов комиссиясининг 2022 йил 14 мартдаги қарорига асосан Туркманистон вазирлар маҳкамаси раиси Сардор Бердимуҳаммедов 72,97% овоз тўплаб Туркманистон президенти этиб сайланди” дейилган.

Эслатиб ўтамиз, февраль ойида ўтказилган парламент юқори палатасининг навбатдан ташқари сессиясида собиқ президент Гурбангули Бердимуҳаммедов давлатни бошқаришда ёшларга йўл бериш кераклиги ҳақида гапирганди.