Танзанияда дафн маросимига чақмоқ тушди

Танзаниянинг жанубидаги Линди вилоятида ўтказилган дафн маросимида иштирок этган ҳамқишлоқларнинг устига чақмоқ тушди. Ҳодисада 3 киши ҳаётдан кўз юмди. 18 киши жароҳат олди.

Танзаниянинг жанубидаги Линди вилоятида Мтама қишлоғида дафн маросимида иштирок этган оломоннинг устига чақмоқ келиб тушди. Ҳодисада 3 киши қурбон бўлиб, 18 киши тан жароҳати олди.

Жанозада иштирок этганлардан бири бўлган Абдуллоҳ Мпута “Дафн маросими вақтида шиддатли ёғингарчилик ва кетма-кет момоқалдироқ бўлаётган эди” деб гапирди.

Фожиа маҳаллий вақт билан соат 16 да юз бериб, ҳозирда жароҳат олганларнинг даволаниши давом этмоқда.