Ўзбекистон циркларида ёввойи ҳайвонлар бўлмайди

2025 йил 1 январдан бошлаб Ўзбекистонда циркларда баъзи ёввойи ҳайвонлардан фойдаланиш тақиқланади.

Ушбу қарор ўлканинг қонунчилик миллий базасида чоп этилди.

Ҳужжатга мувофиқ, жисмоний шахсларга сунъий ясалган муҳитда ярим озодликда ёки қафасда сақлаш тақиқланган ёввойи ҳайвонлар рўйхати тасдиқланган.

Бундан ташқари, маҳаллий нашрларга кўра, қарорда юридик шахсларнинг ҳам ёввойи ҳайвонларни сақлаш тартиби кўрсатилган.

Маълум бўлишича, Ўзбекистонда 2025 йил 1 январдан эътиборан давлат ёки кўчма циркларда ёввойи ҳайвонлардан намойиш учун фойдаланиш ёки уларни қафасда сақлаш тақиқланади.

Ушбу рўйхатда кўрсатилган ёввойи ҳайвонлар экология, атроф-муҳитни муҳофаза қилиш вазирлиги томонидан рухсат берилган юридик шахсларга фақатгина ҳайвонот боғларида ва ҳайвонлар парвариш қилинадиган махсус хўжаликларда (террариум, океанариум, серпентария) сақлашга рухсат берилади.

Қарор бўйича цирклардаги ёввойи ҳайвонлар 2026 йил 1 январгача ҳайвонот боғларига топширилиши керак.