Хитойда жуда йирик олтин заҳираси топилди

Хитойда 1000 тоннадан ортиқ олтин заҳирасига эга кон топилди.

Марказий Хитойнинг Хунан провинциясида геологлар йирик олтин заҳирасига эга кон топишди. Улар 2000 метр чуқурликда 40 дан ортиқ таркиби олтинга бой қатламларни аниқлашди.

3000 метр чуқурликдаги заҳиралар эса 1000 тонна олтинни ташкил этиб, 600 миллиард юан ёки 83 миллиард долларга баҳоланмоқда.

Геологик бошқарма бошлиғи ўринбосари Лю Юнцзюнь Вангу конида рудаларни разведка қилиш жараёнида янги технологиялардан фойдаланганлигини билдирди. Яна бурғулаш ҳудудининг ён атрофларидан ҳам олтин топилган. Бу эса катта истиқболларга умид туғдиради.

Бугунги кунда жаҳон бозорида олтин нархи бир троя унцияси учун 2687 долларни ташкил этади.