Ер ядроси олтин сочмоқда

Германиянинг Гёттинген университети олимлари Ер ядросида олтин, платина, палладий ва родий каби қимматбаҳо металлар мавжудлигини аниқлашди.

Гавайи оролларидаги вулқон тошларида ўтказилган изотоп таҳлиллари бу металларнинг ядродан келиб чиққанини кўрсатди. Янги техника орқали аниқланган рутений-100 изотопи, ядродан Ер юзасига сизиш мавжудлигини исботлади.

Тадқиқотчиларга кўра, Ер ядросида жуда катта захира мавжуд бўлиб, у Ер юзасидаги барча қитъаларни 50 сантиметр қалинликда олтин билан қоплашга етарли. Аммо бу захираларга техник жиҳатдан етиб бориш имконсиз.

Тадқиқотда қатнашган профессор Маттиас Виллболднинг таъкидлашича, Ер ядроси аввал ўйланганидек бутунлай изоляция қилинган эмас ва океан ороллари айнан шу сизишлар туфайли шаклланган. Тадқиқот натижалари Nature журналида чоп этилди.