АҚШнинг тинчлик режаси Украинага етказилди

Россия ва Украина ўртасидаги қонли тўқнашувлар давом этаётган бир пайтда, Украина АҚШ томонидан тайёрланган тинчлик режаси лойиҳаси уларнинг қўлига етиб келганини эълон қилди. Зеленский яқин кунларда АҚШ Президенти Трамп билан дипломатик имкониятларни муҳокама қилишни кутаётганини билдирди.

Украина АҚШнинг тинчлик режаси лойиҳаси қўлига келиб тушганини ва Зеленский яқин кунларда АҚШ Президенти Трамп билан дипломатик имкониятларни муҳокама қилишни кутаётганини маълум қилди.

Украина Президенти Зеленский "АҚШ урушни тугатш учун ўз таклифларини тақдим этди" деб, қуйидаги сўзларни ишлатди:

"Мен яқин кунларда Президент Трамп билан учрашувни сабрсизлик билан кутяпман. Американинг кучи ва қўллаб-қувватлаши тинчликни ҳақиқатан ҳам яқинлаштириши мумкин ва биз буни бой беришни истамаймиз."

АҚШ президенти Дональд Трампнинг тинчликни таъминлаш йўлидаги саъй-ҳаракатларига эътибор қаратган Зеленский: "Тинчликка эҳтиёж бор ва президент Трамп ҳамда унинг жамоасининг Европада хавфсизликни қайта тиклашга қаратилган саъй-ҳаракатларини қадрлаймиз" деб баҳо берди.

Трамп маъмурияти Украина ва Россия ўртасидаги урушни тугатиш мақсадида 28 моддали режа тайёрлади.

Трампнинг режасида АҚШ ва бошқа мамлакатлар Қрим ва Донбассни қонуний равишда Россия ҳудуди сифатида тан олиши айтилган, аммо Украинадан бундай талаб қилинмаслиги маълум қилинган.

Режа ҳақида бевосита маълумотга эга бўлган манбанинг иддао қилишича, Украина Миллий хавфсизлик ва мудофаа кенгаши котиби Рустем Умеров Украина президенти Владимир Зеленский томонидан АҚШ президенти Дональд Трампнинг Яқин Шарқ бўйича махсус вакили Стив Уиткофф билан музокара олиб боришга ваколат берилган ва Умеровнинг фикрларининг аксарияти 28 моддали режа матнига киритилган.

“The Guardian” нашридан олинган маълумотларга кўра, Болтиқ мамлакатларининг етук сиёсатчиларидан бири, Европа Иттифоқининг Ташқи сиёсат бўйича раҳбари Кая Каллас мумкин бўлган тинчлик музокаралари ҳақида баёнот берди.

Каллас ҳар куни украиналик тинч аҳоли ўлдирилаётгани, инфратузилма бомбаланаётгани ва яқинлашиб келаётган қишнинг таъсири билан мамлакат оғир бадал тўлаётганига эътибор қаратди ва "Украина азобнинг тезроқ туташини истайди" деди.

Бироқ, бу "мамлакатни таслим қилиш эвазига бўлмаслиги кераклигини" таъкидлаб, Каллас Украинанинг асосий талаблари сақланиб қолиши кераклигини айтди.

Каллас Украинанинг мустаҳкамланиши учун товон кредити бўйича ишлар давом этиши кераклигини билдирди ва қуйидаги сўзларни қўшимча қилди:

“Украина ўз ери, халқи ва тинч аҳолиси учун курашмоқда. Ҳеч бир ҳукумат қирғинни содир этган томонга фойда келтирадиган келишувни қабул қила олмайди.”

Каллас Россия ва АҚШдан келаётган босимларга қарамасдан Зеленскийни қандай қўллаб-қувватлаш мумкинлиги ҳақидаги саволга ҳам жавоб берди.

У Россиянинг тинчлик таклифларини тақдим этиши иқтисодий босимлар ва айниқса товон кредити ташаббусидан безовталаниш натижасида юзага келганини айтди.

"Биз Россиядан бирорта ён беришни кўрмадик" деган Каллас, сўзларини давом эттирди:

“Бу урушни улар бошладилар. Украина ҳудудларини улар босиб олдилар. Тинч аҳолини улар ўлдирмоқда. Урушни тўхтатиш қудрати ҳам уларда. Шу сабабли босим тажовузкорга қўлланилиши керак.”

Каллас Европанинг қатъиятини сақлаши, Украинани қўллаб-қувватлашни давом эттириши ва Россияга босимни кучайтириши кераклигини таъкидлади.

Оқ Уй матбуот котиби Каролин Ливитт Трампнинг урушнинг тугашини хоҳлаётганини "очиқ намойиш этганини" айтиб, "Иккала томон ҳам тинчлик келишувига содиқлик кўрсатмаётганлиги сабабли Президент иккала томондан ҳам тобора кўпроқ ҳафсаласи пир бўлаётганини" билдирди.

Ливитт "Шунга қарамай, Президент ва унинг жамоаси ҳеч қачон таслим бўлмайди", деди. "Қўшма Штатлар иккала томон ҳам қабул қила оладиган, қотилликларни тўхтатадиган ва доимий тинчликни таъминлайдиган батафсил режа устида ишламоқда".

Ливитт "Трамп Украина учун тайёрланган янги ечим режасини тасдиқлади" деди.