Бешта финал, бешта чемпион

Қозоғистонлик ўта оғир вазн тоифасидаги бокс бўйича жаҳон чемпиони Айбек Оралбай Хитойда бўлиб ўтган Жаҳон кубоги финалида германиялик Никита Путилов устидан мутлақ ғалаба қозонди. Бу бизнинг боксчиларимиз ҳисобидаги бешинчи олий даражали олтин мукофот бўлди.

90 килограммдан юқори вазн тоифасидаги жанг тўлиқ уч раунд давом этди.

Қозоғистонлик боксчи рақибидан устун келди ва ҳакамларнинг бир овоздан берган 5:0 ҳисобидаги қарори билан ғалабани қўлга киритди.

Эслатиб ўтамиз: 1/4 финалда Айбек Оралбай англиялик Мэтью Уильямсни мағлуб этган бўлса, ярим финалда бразилиялик Жоэль Рамос устидан ғалаба қозонган эди.

Ўтган йили Оралбай айнан шу вазн тоифасида бокс бўйича жаҳон чемпиони бўлган эди. Ливерпулдаги турнир финалида у ўзбекистонлик Жаҳонгир Зокировни мағлуб этганди.

Хитойдаги жорий Жаҳон кубогида Қозоғистон учун дастлабки олтин медални аёл боксчи Назим Кизайбай қўлга киритди.

Шунингдек, Абилайхан Жусупов, Виктория Графеева ва Санжар Ташкенбай ҳам олий даражадаги олтин мукофотларга сазовор бўлишди.