McDonaldsдан Пайғамбаримизга ҳақорат

McDonaldsнинг болалар менюси билан бирга тарқатаётган қўғирчоқлари ишга туширилганида Пайғамбаримизнинг (саллаллоҳу алайҳи васаллам) исмлари ёзилган лавҳалар устини оёғи билан босиб ўйнадиган қилиб ишлаб чиқилган.

Дунёнинг энг катта фаст-фуд ресторан ширкати McDonalds ҳам Аллоҳнинг Расулини (саллаллоҳу алайҳи васаллам) ҳақорат этаётганлар тўдасига қўшилди. McDonaldsда болалар менюси билан бирга тарқатилаётган қўғирчоқлардан бири доира марказига бир оёғидан маҳкамланган мушкетер кўринишида ясалган. Ўйинчоқ ишга туширилганида қўғирчоқ мушкетер кўтариб турган иккинчи оёғи билан доира чеккаларига жойлаштирилган лавҳаларга бир-бир босиб айлана бошлайди. Бир қараганда кайфият кўтарувчи ҳаракатлари билан оддий бир қўғирчоқ бўлиб кўринса-да, у босаётган ҳар бир лавҳанинг ичида “Муҳаммад” исми ёзилганлиги унинг кимларга аталган ўйинчоқ эканлигидан дарак беради.