Кремль қаршисида экстремистик плакат

Кремль саройининг қаршисига экстремистик руҳдаги плакат осиб кетилган. Россиянинг пойтахти Москванинг марказидаги Кремлнинг қаршисидаги “Большой Каменний” кўпригига экстремистик руҳдаги катта плакат осиб кетилган. Номаълум кишилар тарафидан осилган плакатда “Единая Россия” партиясининг  эмблемаси ўрин олганлиги диққатни тортди. Плакатда турли миллатчилик символлари скинхед, Необольшевик ва ислом ташкилотлари билан бир қаторда “Единая Россия” партиясининг эмблемаси ҳам ўрин олган.
Интерфакс хабар агентлигига кўра, полиция плакатни суратга олаётган бир журналистни қўлга олди. Лекин бироз вақтдан кейин мухбир озод этилди.