Турк халқи ички “сотқинлар”ига сайлов орқали “тарсаки урди”

Туркия бош вазири Ражаб Тойиб Эрдўғон раҳбарлик қилаётган Адолат ва тараққиёт (АКР) партияси маҳаллий ҳудудий ва маҳаллий давлат ҳокимияти органларига сайловларда ғолиб чиққанини маълум қилди.

“Сиз ўз бош вазирингизни қўллаб-қувватладингиз, сиздан чексиз миннатдорман”, – деди партиянинг Анқарадаги бош қароргоҳида тўпланган ўз тарафдорлари олдида чиқиш қилиб.

“77 миллион одам бугун янги Туркия туғилганини билиб қўйиши керак. Бу кун янги Туркия учун ҳақиқий тўй кунидир”, – дея қўшимча қилди Эрдўғон.

Аввалги (2009) маҳаллий ҳокимият сайловларида 38% овоз олган Адолат ва тараққиёт партияси, бу сайловда 46% овоз олиб, сўлчи, миллатчи турк ва миллатчи курд партиялари билан Туркияни Исроилга сотиб келаётган Нурчилар оқимига қарши қақшатқич зарба берди.