Янги ғалабалар сари

Татаристон пойтахти Қозон шаҳрининг Рубин футбол жамоасини кетма-кет икки марта Россия чемпионига айлантириб, тарихга кирган тренер Гурбан Бердиев яна тилга тушди.

Қуйида Гурбан Бердиев ҳақида қаламга олинган ёзувни келтирамиз:

Исми-шарифи: Гурбан Бердиев

Ёши: 63

Туғилган жойи: Ашхабод

Россияда яна шов-шувга сабаб бўлди. Тренерлик қилаётган Ростов жамоаси шанба куни Россия лигаси лидери бўлган ЦСКАни 2:0 ҳисобда мағлуб этди. Мавсум бошида футболчиларнинг маош ва мукофот пулларини тўлашга қийналган бу жамоани олиб, чемпионатнинг энг кучли номзоди ҳолига келтирди. Англия лигаси бу йил Лестер қандай муваффақиятга эришган бўлса, Россияда Ростов ҳам шуни такрорламоқда.

Гурбан Бердиев тренерлик карьерасининг дастлабки йилларида 41 ёшида Анқаранинг “Генчлербирлиги” жамоасининг директори Илҳан Жавжав тарафидан кашф этилганди.

Лекин 1993-94 йилги мавсум бошида Бердиевнинг Анқара саргушти бир нечта матч давом этди, холос. Жавжав мавсум бошидаги бир нечта муваффақиятсизликдан кейин Бердиевни истеъфога чиқарганди.

Бердиев Рубин билан тарихидаги илк чемпионликни қўлга киритиб, омад келтирганлигига ишонган тўқ қизил рангли кўйлагини йил бўйи эгнидан ечмасдан, тасбеҳини тортиб, дуо қилиб, чемпионликдан кейин ҳажга бориб, ҳеч кимнинг сўзига қарамасдан ўзи ишонгандек ҳаёт кечириб, муваффақиятларида давом этмоқда.

Россия премьер лигасида кеча Ростовда ўйналган матчни 2:0 ҳисобда ғалаба билан якунлаб, мағлуб этган лидер жамоаси ЦСКА билан очколарни тенглаштирди. Тўплар нисбати билан биринчи ўринга кўтарилди. Ростов ҳозирдан чемпионлик ҳавосини олди. Москва жамоалари назарга илмаган Гурбан Бердиев Рубиндан кейин яна бошқа олис вилоятдаги жамоани тарихида илк бор Россия чемпиони қилишга яқин.

Туркманистон чўлидан чиққан тренер унчалик порлоқ бўлмаган профессионал футболининг энг яхши йилларини яшаётган Ростовни чемпионлик сари олиб бормоқда. Карьерасининг бошида бир нечта матчдан кейин қувилган Туркияда уни хотирлайдиганлар йўқ, Россияда ҳам лойиқ бўлган қадр-қиймати бор деб айта олмаймиз. Лекин у ўзи билган йўлида қўлида тасбеҳи билан яна муваффақиятлар сари қадам ташламоқда.