Эрдўғон вазифасига киришди

Туркияда бугун янги давр бошланди. Президент Ражаб Тоййиб Эрдўғон Туркия миллий мажлисида ташкилланган маросимда қасамёд қилади. Маросимда 50 га яқин ўлкадан президентлар, 3 мингдан ортиқ таклиф қилинганлар иштирок этади.

16 апрелдаги референдумда қабул қилинган президентлик тизими бугун расман бошланади. 24 июнда янгидан президент этиб сайланган Эрдўғон бугун қасамёд қилади.

Эрдўғон ўз вазифасини бошлаши шарафига катта тантана ўтказилади. Тадбирда 22 президент, 17 бош вазир, вице-президент ва хорижлик дипломатлар иштирок этади.