Руҳонийдан АҚШга таҳдид

Руҳоний АҚШга “Арслон думи билан ўйнашманг, кейин пушаймон бўласиз” деб таҳдид қилди. Эрон президенти Ҳасан Руҳоний АҚШнинг сўнгги вақтлардаги ҳаракатларини танқид қилиб “Арслон думи билан ўйнашманг, пушаймон бўласиз” деди.

Руҳоний Эроннинг хорижий давлатлардаги тамсилчилари билан йиғилиш ўтказди.  Ўтказилган йиғилишда Руҳоний “Эрон билан уруш урушнинг асоси ва Эрон билан муроса тинчликнинг асоси эканлигини билиш керак. Биз таҳдиддан ҳеч қачон қўрмаганмиз. Таҳдидларга қарши биз ҳам таҳдид қиламиз” деди. АҚШ билан олиб борилган музокаралар натижасиз бўлганини айтган Руҳоний “ҲурматлиТрамп! Биз шарафли миллатмиз. Биз тарих давомида минтақа хавфсизлигининг кафолатчиси бўлдик. Арслон думи билан ўйнашманг. Пушаймон бўласиз” деб гапирди.

Трамп ҳукумати фақат Эрон билан эмас, бошқа кўплаб ўлкалар билан ҳам зиддиятга бораётганини маълум қилган Руҳоний “Кунимизда АҚШ бошидаги ҳукумат бутун дунёнинг манфаатларига қарши ва албатта қайсидир маънода ўз манфаатларига ҳам қарши курашмоқда. Бу нафақат Эрон учун балки бутун дунё учун таҳлика ҳисобланади” деди.

АҚШ президенти Трампнинг Қудус масаласидаги қарорини танқид қилган Руҳоний “Агар одам озгина мантиққа сунияб ҳаракат қилса, ишғолчи режимнинг истаги учун 1,5 миллиард мусулмонга қарши чиқмайди. Бугун АҚШнинг тинчликка, халқаро келишувларга ва ташкилотларга нисбатан ҳурмат кўрсатмаслигини бемалол айта оламиз” деб гапирди.