Аргентина ва Уругвайда электр узилди

Аргентина ва Уругвайда электр бутунлай узилди. Бу ҳақда Аргентинанинг электр энергияси бўйича дистрибьютори “Edesur” маълум қилди.

Компания “Twitter”ида “Электр билан таъминлаш тизимидаги кенг миқёсдаги узилиш бутун Аргентина ва Уругвайни токсиз қолдирди. Биз ахборотни янгилаб борамиз” дейилган. Аргентина бозорида фаолият кўрсатувчи яна бир “Edenor” оператор-компаниясининг маълумотига кўра, узилиш маҳаллий вақт билан соат 7:00да юз берган. Ҳозирча бунинг сабаблари маълум эмас. Аргентина пойтахти Буэнос-Айресда метро ишламаяпти. Электр узилиши Бразилия жануби ва Чилининг бир нечта шаҳарларида ҳам юзага келган.