“Туркияга қирувчи самолёт ҳам сотишимиз мумкин”

Пентагон Туркияга F-35 қирувчи самолётларини сотишни тўхтатиб қўйиши ортидан Россиядан “Туркияга қирувчи самолётларини ҳам сотишимиз мумкин” деган таклиф келди.

АҚШ мудофаа вазирлиги Туркиянинг F-35 лойиҳаси тўхтатиб қўйилганини маълум қилгач, Мсоквадан Анқарага янги таклиф келди. Россиянинг мудофаа саноатига масъул бош вазир ўринбосари Юрий Борисов S-400 лар борасида ортга қадам ташламаган Туркияга қирувчи самолётларини сотиши мумкинлиги ҳақида ишора қилди. Борисовнинг ортидан мудофаа саноати ширкати “Ростех” бош директори Сергей Чемезов Россиянинг Туркияга 4++ авлод қирувчи самолёт СУ-35 сотишга тайёр эканлигини билдирди. Чемезов бундан аввалроқ Россиянинг 5-авлод самолёти СУ-57ни ҳам Туркияга сотишлари мумкинлигини айтганди. СУ-57ларнинг экспортига рухсат берувчи керакли ҳужжатлар имзоланганига ишора қилган Чемезов “Аввало Россия мудофаа вазирлигининг СУ-57 эҳтиёжини таъминлашни мақсад қилиб қўйганмиз. СУ-57 фавқулодда характеристик сифатларга соҳиб ва шу сабабли келажакда экспортини юқори баҳоламоқдамиз. Туркия бу самолёт учун жуда яхши бозор. Агар Туркия СУ-57 самолётларини сотиб олишни хоҳласа, бу борада ҳамкорлик қилишга тайёрмиз” деди. Россиядан келган хабардан сўнг нигоҳлар АҚШда ишлаб чиқарилган F-35, Россияда ишлаб чиқарилган СУ-57 ва 2023 йили Туркиянинг илк маҳаллий қирувчи самолёти бўлиши кутилаётган TFX қаратилди.

Туркиянинг Америка билан орасидаги F-35 зиддиятидан фойданиб қолмоқчи бўлган Греция ҳаракатга тушди. Бош вазир Мичотакис Туркия олмаган F-35ларни олмоқчи эканлиги иддао этилди. Туркия 30 дона F-35 га буюртма беганди.

F-35:

·        5-авлод қирувчи самолёт, илк парвози 2000 йилда амалга ошган;

·        Битта учувчи билан парвоз қилади;

·        1.931 км/с тезликкача ҳаракат қилади;

·        2 соат 36 дақиқа ҳавода қола олади;

·        1.667-2.200км масофага уча олади;

·        8.160 кг ҳарбий юк таший олади;

·        Максимал парвоз оғирлиги 31.751 кг;

·        Қисқа масофада кўтарилиш ва қўниши мумкин;

·        Тикка кўтарилиши ва қўниши мумкин;

·        Радарларда кўринмаслик хусусиятига эга;

·        Суперманёвр қобилияти йўқ.

TFX:

·        19 метр узунликда;

·        Қанот очиқлиги 12 метр;

·        Учиш масофаси 1.100 км;

·        Тезлиги 2.453 км (овоз тезлигидан икки марта юқори);

·        17 км баландликка кўтарила олади.

Туркия билан Британия ҳамкорликда ишлаб чиқарган 5-авлод қирувчи самолёт лойиҳаси. Илк парвози 2023 йилга режалаштирилган. 2030 йилдан бошлаб Туркия ҳаво кучларида фойдаланиш кўзда тутилган.

СУ-57

·        5-авлод қирувчи самолёт, илк парвози 2010 йили амалга ошган;

·        Битта учувчи билан учади;

·        2.600 км/с тезликка чиқади;

·        5,8 соат ҳавода қола олади;

·        5.500 км масофагача учиб бора олади;

·        10.000 кг ҳарбий юк таший олади;

·        Максимал парвоз оғирлиги 35.480 кг;

·        Товуш тезлигидан тез уча олади;

·        Қисқа масофада кўтарилиш ва қўниши мумкин;

·        Тикка кўтарилиши ва қўниши мумкин;

·        Радарларда кўринмаслик хусусиятига эга;

·        Суперманёвр қобилиятига эга.