Қобулда кучли портлаш

Бугун Афғонистоннинг Қобул шаҳрида маҳаллий вақт билан 08:30 да Германия элчихонаси яқинида кучли портлаш содир бўлди. Полиция таъкидлашича, элчихона олдида миналаштирилган автомобиль портлаган. Теракт оқибатида 80 нафар киши ҳалок бўлди, 350 дан ортиқ одам жароҳат олган.

Портлаш президент саройига ва хорижий элчихоналарга яқин жойда содир бўлди. Кўплаб бинолар зарар кўрди, эшик ва деразаларга шикаст етди. Ҳозирча ушбу портлашни ҳеч қайси гуруҳ ўз зиммасига олмади.