Қозоғистонда янги бош санврач тайинланди

Ерлан Киясов соғлиқни сақлаш вазири ўринбосари ҳамда бош давлат санитар врачи этиб тайинланди.

Хабарда “Ҳукумат қарори билан Киясов Ерлан Ансаганович Қозоғистон республикаси соғлиқни сақлаш вазири ўринбосари – бош давлат санитар врачи лавозимига тайинланди” дейилган.

Ерлан Киясов 1973 йили Алматида туғилган. Қозоқ давлат тиббиёт университети, Марказий Осиё университетити, Ал-Фаробий номидаги қозоқ миллий университетини тамомлаган.

Иш фаолиятини 1990 йили Алматидаги тез ёрдам кўрсатиш касалхонасида реанимация бўлимида санитар лавозимида бошлаган. 1997-1999 йиллари Алматида ҳаво транспорти станциясида санитар врач, врач-эпидемиолог лавозимларида ишлади.

1999 йилдан 2020 гача Президент ишлари бошқармасида тиббиёт марказида умумий гигиена бўйича санитар врач, санитар-эпидемиологик марказда эпидемиология бўлими бошлиғи, оператоив бўлим мудири, “Санитар-эпидемиологик экспертиза маркази” директори лавозимларида фаолият кўрсатади.

Ундан аввал бош санврач лавозимида Айжан Есмағамбетова ишлаган эди. У жорий йилнинг 20 март куни соғлиқни сақлаш вазири (ўша вақтда Елжан Биртанов) буйруғи билан Жандарбек Бекшин ўрнига тайинланган эди.