Қозоғистонда 25 декабрдан карантин кучайтирилади

Жорий йилнинг 25 декабридан 2021 йилнинг 5 январигача Қозоғистонда карантин чора-тадбирлари кучайтирилади.

Ҳукумат бошчиси Асқар Мамин Қозоғистон ҳудудида коронавирус инфекцияси тарқалишига йўл қўймаслик борасидаги идоралараро комиссия селектор йиғилишини ўтказди.

Коронавирус билан янги касалланганлик ҳолати бўйича ўсиш суткасига 0,4%ни, соғайиб кетиш эса 0,9%ни ташкил этмоқда.

Кейинги йилнинг январь-февраль ойларида шамоллаш ва грипп ортиш фонида коронавирус билан касалланиш ҳолатининг ортиш хавфи юқори.

Шуларни ҳисобга олган ҳолда идоралараро комиссия қуйидаги қарорга келди:

2020 йилнинг 25 декабридан 2021 йилнинг 5 январигача оммавий ва спорт тадбирлари, жумладан янги йил корпоративлари ўтказилиши тақиқланди.

Тенгиз конида эпидемиологик вазият барқарорлашгунгача чекловлар жорий этиш.

Короанвирусга қарши дори-дармонларнинг нархини ўртача 24%га тушириш чора-тадбирларини қабул қилиш.

Шу билан бирга таълим сифатини яхшилаш учун Таълим ва билим вазирлиги таклифларига кўра:

III чоракдан битирувчи синфларга 70% фанлар анъанавий шаклда, 30% фанлар онлайн шаклда ўқитиш.

III чоракдан ўқувчиларнинг билимини тўлдириш учун дарсдан ташқари вақтларда 5 кишидан ошмайдиган гуруҳларда консультатив дарслар ташкил этиш.

II семестрдан олий ўқув юрти ва коллежларнинг 1-курс талабари учун аралаш таълимни тиклаш жорий этилади.