“WhatsApp” баъзи телефонларда ишламайди

“Facebook”ка тегишли “WhatsApp” машҳур мессенджери 1 ноябрдан бошлаб кўплаб эски смартфон моделларида ишламайди.

2021 йил 1 ноябрдан эътиборан мессенджер эски смартфонларда ўз ишини тўхтатади. Бу Androidнинг 4.1 операцион тизимидан ва iOSнинг 10-версиясидан пастки жами 43 та моделни ўз ичига олади.

Шу тариқа мессенджер 2011 йили ишлаб чиқарилган iPhone 4S, Samsung Galaxy Trend Lite, Sony Xperia Miro, Huawei Ascend G740, Alcatel One Touch Evo 7 ва шу каби кўплаб смартфонларда ишламайди.

Мессенджер бирданига ишламай қолмайди, лекин янгиланишларни юклаб олишнинг имкони бўлмайди. Бу эса “WhatsApp” ишида узилишларга олиб келади.

Аввалроқ “WhatsApp” мессенджерида овозли хабарни матнга айлантирувчи узоқ кутилган функцияси ишга тушиши маълум қилинганди.