Абу-Даби полицияси учар мотоциклда


  • 24 Март, 2023
  • 142

Абу Дабида энди сайёҳлар хавфсизлигини ноёб  учар ховербайк муҳофаза қилади. Ушбу мотоцикл тезлигини соатига 80 кмгача ошириб, 40 дақиқа давомида қўшимча ёқилғисиз ҳаракатлана олади.

“Xturismo Hoverbike” экстерн хизмат соҳаси ходимлари ишларини енгиллаштириши умид қилинмоқда. Мотоцикл 20 метргача баландликка кўтарилиб, етиш қийин бўлган ҳудудларга тезда ёрдамни етказиб бериши мумкин.

Мотоцикл ишлаб чиқарувчи компания ижрочи директори Ҳасан ал-Хосаний “Биз БААда ишлаб чиқариш цехини очишни режалаштиряпмиз. Мотоциклни ўзимизнинг об-ҳаво ва географик талабларимизга, айнан чўл ҳудудига мослаштирмоқчимиз” деди.

Учар ховербайк авиация ва космик соҳада ишлатиладиган жуда мустаҳкам углерод толасидан ясалган бўлиб, оғирлиги 300 кг келади. Унга 230 от кучига эга “Kawasaki” фирмасига тегишли тўрт тактли бензинли двигатель ўрнатилган. Транспорт тўртта ён вентиляторлари ва электропривод билан жиҳозланган. Мотоцикл 700 минг доллар (325 миллион тенге) деб баҳоланмоқда.


Бошқа мақолалар