Байден саҳнада қулаб тушди

АҚШ президенти Джо Байден иштирок этган бир тадбирида қулаб тушди. Қўриқчиларининг ёрдами билан аранг оёққа турган Байден саҳнадан тушди. У ерда тўпланган оломоннинг бундан қувониб ҳайқиришлари ижтимоий тармоқларда кенг тарқалди.

Америка қўшма штатларининг 80 ёшли президенти Джо Байденнинг саҳнадаги саргузаштлари тугамаяпти. Авваллари хаёлидаги одамлар гаплашиб, қўл олишиб юрган Байден бу сафар саҳнада қоқилиб қулади.

АҚШ ҳарбий ҳаво кучлари академиясида битирувчилар тадбирида иштирок этган Джо Байден нутқидан кейин бир битирувчи билан қўл олишгандан кейин қоқилиб мувозанатини йўқотди. Байден қулаб тушганидан кейин оломон шовқин кўтариб ҳайқирди. Бошқаларнинг ёрдами билан аранг ўрнидан турган Байден қўриқчилари кўмагида саҳнадан тушди.