Казармага қуролли ҳужум

Тарихида кўплаб ҳарбий тўнтаришлар юз берган Боливияда яна бир зиддият майдонга келди. Боливиянинг Кочабамба шаҳри яқинидаги ҳарбий казарманинг қуролли гуруҳ томонидан босиб олингани ва 200 га яқин аскарни асир олганлиги маълум бўлди.

Боливия армияси берган баёнотда қуролланган гуруҳ ҳарбий казармани босиб олганлиги айтилган.

Баёнотда қуролланган гуруҳ Кочабамба яқинидаги казармани “зудлик билан ва тинч шаклда” тарк этишга чақирилиб, акс ҳолда бу “давлатга хиёнат” деб баҳоланиши таъкидланди.

Боливия ташқи ишлар вазирлиги асирга олинган аскарлар сони 200 дан ортиқ эканлигини билдириб, президент Луис Арсе қуолли гуруҳнинг собиқ президент Ево Моралесга алоқадор эканлигини айтди. Аввалги кун ҳам 3 та казарма қуролли ҳужумга учраганди.

Собиқ президент Моралес 28 октябрь куни кофеин ишлаб чиқарувчиларнинг радиостанциясига бориш учун Вилла Тунари қасабасидан ўтаётганида қуролли ҳужумга учраганди. Ҳужум орқасидан Боливия президенти Арсени айблаган Моралес “Арсе тарихнинг энг ёмон президенти сифатида ёдда қолади. Собиқ президентни ўлдиришга уриниш бу энг сўнгги чегарадир” деди.

Воқеадан кейин Моралес дастакчилари ўлканинг маказидаги йўлларни бекитиб, полиция билан тўқнашди. Прокуратура тарафидан “тажовуз, одам савдоси ва контрабанда” билан айбланган Моралес кўрсатма бериши учун қўлга олишга ордер чиқарилганди.

Боливия миллий мустақилликка эришган 1825 йилдан ҳозирги кунгача 191 та давлат тўнтариши, ўндан ортиқ конституция ўзгариши ва саксон нафарга яқин президентни кўрди.