Трамп Канада ва Мексикага АҚШга қўшилишни таклиф қилди

Яқинда сайланган АҚШ президенти Дональд Трамп Мексика ва Канадага келгусида ҳам Америка субсидияларини олишни истаса, АҚШ таркибига қўшилишни таклиф қилди.

Трамп агар Мекиска ва Канада мигрантлар ва гиёҳванд моддалар оқимини тўхтатмаса, иккала ўлкадан келадиган импорт маҳсулотларга 25%лик бож тўлови жорий этиш билан таҳдид қилди.

Трамп: “Биз Канадага йилига 100 миллиард доллардан ортиқ маблағ субсидия қиламиз. Мексикага эса деярли 300 миллиард долларга яқин маблағ субсидия қилинади. Биз нима учун бу давлатларга субсидия беришимиз керак? Агар бизнинг субсидия беришимизни исташса, марҳамат штат сифатида АҚШ таркибига қўшилсин”, деди.  

Аввалроқ “Fox News” телеканали Трамп Канада бош вазири Дастин Трюдога Канададан келадиган барча маҳсулотларга 25%лик бож тўловини қўйиши ҳақида айтганлигини хабар берганди. Агар Оттава ноқонуний миграция бўйича ҳолатни кескин ўзгартирмаса, бу амалга ошиши мумкин.

Трюдо ўз навбатида бундай чоралар Канада иқтисодиётини йўқ қилиши мумкинлигини айтган. Трамп бунга жавобан Канада АҚШнинг 51-штати бўлиши, Трюдо эса губернатор бўлиши мумкинлиги ҳақида гапирган.