Қозоғистонликлар паспортсиз қайси давлатларга саёҳат қилиши мумкин?

Биз Қозоғистон фуқаролари нафақат визасиз, балки халқаро паспортсиз ҳам саёҳат қила оладиган давлатлар ҳақида маълумотларни жамладик.

Паспортсиз саёҳат қилиш мумкин бўлган давлатлар

2025 йил бошига келиб, Қозоғистон фуқаролари 41 давлатга ҳамда махсус мақомга эга бўлган иккита ҳудуд – Макао ва Гонконг (Хитой таркибида) визасиз саёҳат қилиши мумкин. Бироқ визасиз режим паспорт талаб қилинмаслигини англатмайди.

Масалан:

Жанубий Корея – 2022 йил 1 апрелдан бошлаб электрон рухсатнома (K-ETA) талаб этилади. Бу ҳужжатни саёҳатдан олдин олиш керак.

Намибия – виза автоматик тарзда аэропортда расмийлаштирилади.

Шунингдек, Қозоғистон фуқаролари халқаро паспортсиз саёҳат қилиши мумкин бўлган давлатлар мавжуд.

Қайси давлатларга паспортисиз бориш мумкин?

Россия

Қозоғистон фуқаролари Россияга авиа ёки қуруқлик йўллари орқали эркин кириши мумкин.

Катталар – миллий паспорт ёки шахсни тасдиқловчи гувоҳнома.

16 ёшгача бўлган болалар – туғилганлик тўғрисидаги гувоҳнома ёки халқаро паспорт.

Қозоғистон фуқаролари Россияда 30 кунгача рўйхатдан ўтиш мажбуриятисиз қолиши мумкин. Агар 30 кундан 90 кунгача қолишни режалаштирса, миграция органларида рўйхатдан ўтиш (прописка) талаб қилинади.

Қирғизистон

Қозоғистон фуқаролари Қирғизистонга паспортсиз саёҳат қилиши мумкин, лекин 180 кун ичида 90 кундан ортиқ қолиш мумкин эмас.

Катталар – шахсни тасдиқловчи гувоҳнома билан чегарадан ўтиши мумкин.

16 ёшгача бўлган болалар – халқаро паспорт бўлиши шарт.

Туркманистон

Икки давлат ўртасидаги келишувга кўра, Атирау ва Мангистау вилоятларида доимий яшовчи Қозоғистон фуқаролари Туркманистоннинг Балқан вилоятига визасиз саёҳат қилиши мумкин.

Сафар муддати – 5 кунгача.

Миллий паспорт ва шахсни тасдиқловчи гувоҳнома талаб қилинади.

Фақат икки давлатга паспортсиз кириш мумкин

Ҳозирда Россия ва Қирғизистон – Қозоғистон фуқароларига шахсни тасдиқловчи гувоҳнома билан кириш ва вақтинча яшаш имконини берган ягона давлатлар ҳисобланади.

Ўзбекистон

Қозоғистон ва Ўзбекистон ўртасида фуқароларнинг паспортсиз ҳаракатланиши ҳақида музокаралар олиб борилмоқда.

2023 йил 1 сентябрдан бошлаб, Ўзбекистон ва Қирғизистон ўртасида шахсни тасдиқловчи гувоҳнома билан чегарани кесиб ўтишга рухсат берилди.

Бироқ, Қозоғистон ва Ўзбекистон ўртасида бу каби келишув ҳали кучга киргани йўқ.

Қозоғистон Миллий Хавфсизлик Қўмитаси Чегара хизмати маълумотларига кўра, ҳозирча фақат Россия ва Қирғизистонга шахсни тасдиқловчи гувоҳнома билан саёҳат қилиш мумкин.