Қирғиз-тожик чегарасида отишма

14 сентябрь куни Қирғизистоннинг Баткент тумани Булоқ боши маконида икки ўлка чегарачилари ўртасида қуролли тўқнашув келиб чиқди.

Қирғизистон чегара хизмати маълумотларига кўра, қирғиз чегарачилари Тожикистонлик аскарларнинг чегарани бузиб ўтганлигини кўришган. Огоҳлантиришларга қарамай чегарачилар ўртасида отишма юзага келган. Бундан ташқари, Кўксой ва Паскиариқ қишлоқларида ҳам отишма бўлиб ўтган.

Қирғизистон соғлиқни сақлаш вазирлигига кўра, отишмада 3 нафар Қирғизистон аҳолиси яраланган.

Тожикистон чегара хизмати ўз навбатида Қирғизистон томонни айбламоқда. Уларнинг айтишича, 14 сентябрь куни қирғиз чегарачилари ҳеч қандай сабабсиз тожик чегарачиларини автоматлардан ўққа тутган.