Дунёнинг энг яшаш учун қулай шаҳарлари маълум бўлди

Economist Intelligence Unit (EIU) 2025 йил учун дунёнинг энг яшаш учун қулай шаҳарлари рўйхатини эълон қилди. Глобал миқёсда яшаш учун қулайликнинг ўртача кўрсаткичи ўзгаришсиз қолган бўлса-да, ортиб бораётган геосиёсий кескинлик ва фуқаролик тартибсизликлари туфайли “глобал барқарорлик” балларида пасайиш кузатилди.

Дунёнинг энг яшаш учун қулай шаҳарлари топ-10 талиги:

Копенгаген, Дания

Вена, Австрия. Вена шаҳри 2025 йилда уч йиллик етакчиликдан сўнг дунёнинг энг қулай шаҳарлари рейтингида иккинчи ўринга тушди. Таълим, инфратузилма ва соғлиқни сақлаш соҳаларида ўз кучли мавқеини сақлаб қолган бўлса-да, хавфсизлик бўйича хавотирлар ортгани сабабли биринчиликни бой берди.

Цюрих, Швейцария

Мельбурн, Австралия

Женева, Швейцария

Сидней, Австралия

Осака, Япония

Окленд, Янги Зеландия

Аделаида, Австралия

Ванкувер, Канада

Саудия Арабистони ва Бирлашган Араб Амирликлари соғлиқни сақлаш ва таълим соҳаларига киритган сармоялари эвазига рўйхатда юқори поғоналарга кўтарилиб, эътиборни тортди.

Сурия пойтахти Дамашқ рўйхатнинг энг сўнгги поғонасини эгаллаб, дунёнинг яшаш учун энг ноқулай шаҳри деб топилди. Ундан кейинги ўринларни Ливиянинг Триполи ва Бангладешнинг Дакка шаҳарлари эгаллади.