Ламин Ямалдан маъноли ҳаракат

“Барселона”нинг чемпионлик тантаналарида асли марокашлик бўлган испаниялик юлдуз Ламин Ямал Фаластин байроғини кўтариб, ўз қўллаб-қувватловини намойиш этди.

Испания 1-футбол лигаси (Ла Лига)нинг 35-турида “Барселона” ўз майдонида “Реал Мадрид”ни 2:0 ҳисобида мағлуб этиб, чемпионликни қўлга киритди.

“Камп Ноу”да қозонилган “Эл-Класико” ғалабаси билан лига якунланишига уч тур қолганда очколари сонини 91 тага етказган “Барселона”, “Реал Мадрид”дан 14 очко олдинга ўтиб, ўз тарихидаги 29-чемпионликни эълон қилди.

“Барселона” жамоаси қўлга киритилган чемпионликдан сўнг, усти очиқ автобусда Барселона кўчалари бўйлаб шаҳар турини ташкил қилди. Мухлисларнинг катта қизиқиши остида ўтган тантаналарда футболчилар ҳайқириқлар билан чемпионликни тўлиқ нишонладилар.

Асли марокашлик бўлган испаниялик юлдуз Ямал усти очиқ автобусдаги шаҳар бўйлаб айланиш вақтида Фаластин байроғини очиб, ўз дастагини кўрсатди. Байрам тадбирларида испаниялик юлдуз Ламин Ямалнинг Фаластин байроғини кўтарган тасвирлари ижтимоий тармоқларда кенг тарқалди ва кўплаб олқишларга сазовор бўлди.