64 йилдан бери илк бор

АҚШ президенти Дональд Трамп 3 кунлик расмий ташриф билан Вашингтонга келган Хитой давлат раҳбари Си Цзиньпинни аэропортда шахсан кутиб олди. Трамп бу маросим билан 64 йилдан бери илк бор шундай қадамни амалга оширди. Ўзи учун 30 метрлик қизил гилам тўшалган Сининг ташрифи 2015 йилдан кейин Вашингтонга қилган илк расмий ташрифи сифатида ҳам тарихга кирди.

Вашингтон яқинидаги “Joint Base Andrews” аэропортида ўтказилган ҳарбий маросимда Хитой давлат раҳбари Си Цзиньпин учун қарийб 30 метрлик қизил гилам тўшаттирган АҚШ президенти Дональд Трамп АҚШ президентлари камдан-кам қиладиган тарзда хорижий давлат раҳбарини аэропортда шахсан кутиб олди.

Трамп бу маросим билан 64 йилдан бери яна бир илкликка қўл урди. АҚШ президенти Рим папасидан ташқари бирор давлат раҳбарини сўнгги бор 1962 йилда аэропортда қарши олган эди. Ушбу учрашув ўша даврдаги АҚШ президенти Джон Ф. Кеннеди ва Буюк Британия бош вазири Гарольд Макмиллан ўртасида бўлиб ўтган эди.

Одатда АҚШ президенти меҳмонларни Оқ уйнинг шимолий кириши эшиги олдида кутиб олади.

АҚШ Ҳарбий ҳаво кучлари оркестри икки мамлакат мадҳияларини ижро этаётган ва тўп ўқотарлари отилаётган пайтда, Трамп ва Си орқаларида АҚШ ва Хитой байроқлари ҳилпираб турган қизил гиламнинг сўнггида ёнма-ён турдилар.

Бу вақтда иккита Б-1 бомбардимончи самолёти аэропорт устидан парвоз қилди.

Маросимдан кейин Оқ уйга қайтган Трамп уни кутиб турган журналистларга Оқ уйдаги бал зали қурилиш лойиҳаси режалаштирилганидан олдинга кетаётганини ва зал Си учун пайшанба куни ўтказиладиган давлат зиёфатига қадар тайёр бўлишини исташини билдирди. Сининг ташрифи чоғида Эрон масаласи муҳокама қилиниши ёки қилинмаслиги сўралганида, Трамп: “Мен бу масала ва бошқа кўплаб масалаларни кўриб чиқаман, лекин у ҳам қўшилган ҳолда ҳамма нарса яхши кетмоқда”, деб жавоб берди.

АҚШ президенти Трамп 24 сентябрь, пайшанба куни Хитой давлат раҳбари Си ва рафиқаси Пэн Лиюанни Оқ уйда ҳарбий парад билан кутиб олади. Икки етакчи ўртасидаги музокаралардан сўнг кечки пайт Трамп Си шарафига зиёфат беради. Икки етакчи жума куни яна Оқ уйда учрашиши кутилмоқда.

Юқори мартабали АҚШлик расмийнинг сўзларига кўра, пайшанба кунги давлат зиёфатида Жефф Безос, Илон Маск, Сундар Пичаи, Майкл Делл, Дженсен Хуанг, Сэм Альтман, Жейн Фрейзер ва Тим Кук каби АҚШнинг етакчи бизнес раҳбарларининг иштирок этиши кутилмоқда.

Сининг ташрифи 2015 йилдан кейин Вашингтонга қилган илк расмий ташрифи бўлади.