Нуҳнинг кемасини янгидан қурди

Голландиялик Жон Хьюберс ҳаётининг 20 йилини Инжилда таърифланган шаклда Нуҳ пайгамбарнинг кемасини янгидан қуриш учун сарфлади.
Жон қурган кема 130 метр узунликка, 29 метр кенгликка ва 23 метр баландликка эга. Бу лойиҳа Хьюберсга 1 миллион еврога тушди. Голландиянинг Дордрехт шаҳрида жойлашган бу кемани ҳар куни ўртача 3000 турист зиёрат этмоқда. “Нуҳ кемаси”да болалар учун ўйин майдончалари ҳам бор. Хьюберсни бу кемани қуришга туртки бўлган воқеа кўрган бир туши эди. Тушида бутун Голландиянинг сув остида қолганини кўрган Хьюберс бу ҳодисадан қаттиқ таъсирланиб, мана шу кемани қуришга аҳд қилади.