Башар Асад кўриниш берди

Сурия ҳукумат телеканали президент Башар Асаднинг мавлуд муносабати билан масжидга борганини намойиш қилди.
Видеолавҳада Башар Асад Дамашқнинг ал-Афрам масжидида Сурия муфтийси билан бир қаторда туриб намоз ўқиётгани  акс этган. Асад 6 январь куни ҳам халқ орасида чиқиш қилиб, ҳокимиятдан кетмаслигини айтган эди.
Суриянинг диний ишлар бўйича вазири Абдул Саттор бугунги жума намозида масжидга борганларни мамлакатда тинчлик ўрнатилишини илтижо қилиб дуо қилишга чақирди. БМТ маълумотига қараганда, Сурияда 22 ойдан бери давом этаётган тўқнашувларда 60 мингдан ортиқ одам халок бўлган.