Озарбайжон илк спутнигини учирди

 Илк Озарбайжон спутниги “Azerspace-1” маҳаллий соат билан 01:36да Француз Гвианадаги Куру космик марказидан “Ariane 5”

 ракетаси билан учирилди.

Америка “Orbital Sciences” ширкати тарафидан ишлаб чиқарилган ва 250 миллион доллар қийматига эга бўлган спутникни учириш амалиёти Франциянинг “Arianspace” ширкати тарафидан ўтказилди.

Оғирлиги 3,2 тонна бўлган спутник 15 йил давомида Озарбайжон, Ўрта Осиё, Европа ва Африка ўлкалари учун телекоммуникацион хизматни беради.

Спутникнинг иш потенциалининг 20%и Озарбайжоннинг эҳтиёжларига етади, 80%и эса бошқа давлат ва ширкатларга ижарага берилади ёки сотилади.