Блинкен шарманда бўлди

АҚШ ташқи ишлар вазири Энтони Блинкеннинг Туркия зиёрати АҚШ матбуотида шов-шувга айланди. АҚШ медиаси Блинкеннинг Туркия зиёрати вақтида президент Эрдўғон тарафидан қабул қилинмаганлигига диққат қаратиб ҳолатни “шармандали муваффақиятсизлик” деб баҳолади.

Ишғолчи Исроил 33 кундан буён ёш болаю аёл демасдан Ғазони бомбаламоқда. Тель-Авивнинг энг катта дастаги эса АҚШ ҳукуматидир. Урушнинг илк кунларидан бошлаб ишғолчи Исроил армиясига миллиардлаб долларлик қурол етказиб берган Вашингтон ҳукумати дунёдан келаётган норозиликларни камайтириш учун сиёсатини ўзгартиришга уриняпти.

Ўтган кунларда АҚШ ташқи ишлар вазири Энтони Блинкен Ўрта Шарққа сафар уюштириб, излаган дастакни тополмаган эди. Блинкеннинг Ўрта Шарқ сафарлари доирасида амалга оширган Туркия зиёрати эса АҚШ нашрларида шов-шув бўлди.

АҚШнинг “The Nation” газетаси Блинкеннинг дипломатик сафарининг “шармандали муваффақиятсизлик” бўлганлигини ёзди.

“Ҳафта охирида Байденнинг Ўрта Шарқ сиёсати қулади” сарлавҳали мақолада Блинкен учун бундан ҳам бадтар вазият бўлмаслиги қайд этилди. Байденнинг Ғазони ер юзидан бутунлай йўқ қилиш учун Исроилга яшил чироқ кўрсатганлиги эслатиб ўтилган мақолада кўриниб турган ягона нарса Байденнинг Ўрта Шарқ стратегияси ўз ниҳоясига етганлиги ёзилди.

Блинкен чўнтагида 14 миллион долларлик ҳарбий пакет билан борган Исроилда ўт очишни тўхтатиш ҳақида гапирди. Лекин Нетаньяҳу буни рад этди. Нетаньяҳунинг ҳужумларни тўхтатмаслиги натижасида жиддий сиёсий кризисга дуч келганлиги ва бу билан бирга АҚШдан истаган дастакни ололмаганлиги иддао этилди.

Блинкеннинг бошқа сафарлари ҳам муваффақиятли бўлмаганлиги эслатилиб, Туркияда президент Эрдўғон тарафидан қабул этилмаганлигига урғу берилди.