FIFA U20 Жаҳон кубогида Ироқ сюрпризи

Туркияда ўтказилган FIFA U20 Жаҳон кубогининг чорак финалига чиққан жамоалар аниқланди. Ироқ турнирнинг кутилмаган энг катта шов-шуви бўлди. Турнирдан аввал аутсайдер ҳисобланган Ироқ миллий жамоаси Англия, Португалия ва Колумбия каби дунёнинг кўзга кўринган футбол ўлкаларини ортда қолдириб, чорак финалга йўлланмани қўлга киритди.

U20 Жаҳон кубоги гуруҳ саралаш босқичида Англия, Чили ва сўнгги Африка кубоги чемпиони Мисрни ортда қолдириб Е гуруҳини лидер тамомлаган Ироқ 2-тур матчларида D гуруҳида иккинчи ўринни эгаллаган Парагвай билан учрашди. Ироқнинг ёш юлдузлари гуруҳ матчларидаги муваффақиятли юришларини Парагвай билан бўлган учрашувда ҳам давом эттиришди. Анталя Оқденгиз университети стадионида ўтказилган учрашувда Ироқ 94-дақиқада Фархан Шакорнинг голи билан рақибини 1-0 ҳисоби билан мағлуб қилиб, чорак финалга чиқди. Ироқ миллий жамоасининг бош мураббийи Ҳакам Шокирий энди олдиларида мақсаднинг Жанубий Корея устидан ғалаба қозониш эканлигини айтди. Ироқ ва Жанубий Корея ўртасидаги матч 7 июль куни бўлиб ўтади.

Ўзбекистоннинг муваффақияти

U20 Жаҳон кубогида Ироқнинг чорак финалга чиқиши ортидан яна бир шов-шувли ғалаба Грецияни мағлуб қилиб, чорак финалга йўлланмани қўлга киритган Ўзбекистон жамоасига тегишли бўлди. Гуруҳ саралаш босқичида F гуруҳида 3-ўринни қўлга киритган Ўзбекистон D гуруҳи лидери Греция билан учрашганди. 2-тур матчида Грецияни 3-1 ҳисоб билан мағлуб этган ўзбеклар чорак финалга чиқди. Ўзбекистоннинг голларини 26-дақиқада Аббосбек Махсаталиев, 62-дақида пенальтидан Игор Сергеев ва 83-дақиқада пенальтидан Сардор Раҳмоновлар киритди. Ўзбекистон 6 июль куни ярим финал йўлланмасини қўлга киритиш учун Франция жамоаси билан учрашади.

Ой-юлдузли жамоанинг мағлубияти

FIFA U20 Жаҳон кубогининг мезбони Туркия “Кубок Туркияда қолади” шиори билан бошлаган турнири билан эрта хайрлашишга мажбул бўлди. Трабзонда ўйнаган С гуруҳидаги матчлар сўнггида гуруҳни 2-ўринда тамомлаган Туркия миллий жамоси 2-турда Франция билан беллашди. Франциядан 4-1 ҳисоб билан мағлубиятга учраган турк ёшлари кучли 8 жамоа сафига киролмади.