Йилнинг футболчиси Франк Рибери

Франция терма жамоасининг ва «Бавария» клубининг ярим ҳимоячиси Франк Рибери УЕФА танлови бўйича 2012/13 йилги мавсумда "Европанинг энг яхши футболчиси" деб топилди.

Франциялик моҳир футболчи Монакода ўтказилган Чемпионлар лигаси гуруҳ босқичига қуръа ташлаш маросимида журналистлар иштирокидаги он-лайн сўровномада ғолиб чиқди.

У «Барселона» ҳужумчиси Лионель Месси билан «Реал» етакчиси Криштиану Роналдуларни ортда қолдиришга муваффақ бўлди.

Ф. Рибери ўтган мавсумда Мюнхен клуби сафида Германия чемпиони ва кубоги савриндори ҳамда Чемпионлар лигаси ғолиби бўлган эди.