Бир онда дунёнинг энг бадавлат одамига айланди

Банк ҳисобида 312 миллиард доллар бўлган рус ватандоши Тимур Фатхуллин ўзини дунёнинг энг бадавлат одамига айлантирган хатони банкка билдирди.

Россияда хусусий бир банкнинг қилган хатоси қисқа муддатга бўлса ҳам бир рус йигитини дунёнинг энг бадавлат кишисига айлантирди. Йигитнинг ҳисоб рақамига хатолик билан 300 миллиард доллар маблағ тушиб қолди. Россиянинг Челябинск шаҳрида яшайдиган 26 ёшли Тимур Фатхуллин интернет ҳисобини текшириб кўрганида ўз кўзларига ишонмади. Чунки ҳисобида 9 999 999 999 999 рубль 99 тийин, тахминан 312,5 миллиард доллар бор эканлигини кўрсатиб турарди. Маҳаллий газетага интервью берган Фатхуллин ҳисобидаги пулни кўриб, ўзини йўқотиб қўйганлигини айтди. Бу бойлик қаердан келганини аниқлаш мақсадида банк билан боғланганидан кейин банк бу маблағни қайтариб олганпни билдирди. Пулни олиб сарфлашни хаёлига ҳам келтирмаган йигит ҳисобни кўриб, бу бир техник хатолик эканини тушунганини ҳам айтди.