Миср фиравнидан Саудия қиролининг пешонасига ўпич

Саудия Арабистоннинг 89 ёшли короли кеча Мароккога кетаётган шахсий самолёти билан Қоҳирага қўниб, Мисрнинг тўнтариш орқали келган янги зўравон "президент"и Сисси билан кўришди.

35 дақиқа давом этган учрашувнинг корол Абдуллоҳ самолётида ўтказилганлиги эътиборни тортди. Учрашувдан кейин чоп этилган фотосуратларда корол Абдуллоҳ Сиссини ўз самолётида кутиб олаётгани ва Сисси королни пешонасидан ўпаётганлиги тасвирланди.

Корол Абдуллоҳ самолётдан тушмади. Аксинча Сисси самолётга чақирилди. Учрашувда корол Сиссини табриклагани ва Мисрга ҳар қандай кўмак кўрсатишга тайёр эканлиги билдирди. Ўз навбатида Сисси ҳам корол Абдуллоҳга Саудия Арабистоннинг кўрсатган ёрдамлари учун ташаккур билдиргани хабар берилди.