Пезешкиённинг нутқи эмас, Ҳиндистон расмийсининг қилиғи муҳокамалар марказида

Эрон президенти Пезешкиённинг нутқи давомида орқа қаторда содир бўлган воқеалар саммитнинг асосий мавзусига айланди. Ҳиндистон ташқи ишлар вазирлиги матбуот котиби Рандхир Жайсвалнинг нутқ давомида қуруқ мева (ёнғоқ) егани ва кейин қутининг унинг олдидан олиб қўйилгани саммитда катта қизиқиш уйғотди.

Эрон президенти Масъуд Пезешкиённинг БРИКС саммитидаги нутқи вақтида юз берган қизиқарли лаҳзалар ижтимоий тармоқларда кун тартибига чиқди. Пезешкиён нутқини давом эттираётган пайтда, унинг орқасида ўтирган Ҳиндистон ташқи ишлар вазирлиги матбуот котиби Рандхир Жайсвалнинг қуруқ мева еётгани эътиборни тортди.

Камераларга тушиб қолган кадрларда Жайсвалнинг олдидаги қутидан оралиқда тамадди қилиб тургани кўринди. Жайсвал Пезешкиённинг нутқи давом этаётган бир пайтда яна бир муддат қуруқ мева ейишни давом эттирди.

Вақти-вақти билан бармоқларини ялаётгани кўринган Жайсвал айни қўли билан қайта-қайта қутига қўл узатди. Шу пайтда унинг ёнида ўтирган шахс қутини олиб, Жайсвалнинг олдидан узоқлаштиргани эътиборни тортди. Ижтимоий тармоқларда тарқалган бу тасвирлар қисқа вақт ичида минглаб марта кўритилиб, вирусга айланди.

БРИКС саммитида баёнотлар берган Пезешкиён ўз нутқида “миллий валюталарда савдо қилиш” хабарини берди. Пезешкиён чекланган савдо тизимларига ҳаддан ташқари қарамлик мамлакат иқтисодиётини тўсатдан юз берадиган сиёсий воқеалар қаршисида заиф қилиб қўйишини таъкидлаб, БРИКС аъзолари учун миллий валюталарда савдони ривожлантириш орқали иқтисодий барқарорликни таъминлаши кераклигини айтди.