Нетаньяҳу ҳибсга олинадими?

Буюк Британияда 48 мингдан кўпроқ одам мурожаатлар сайтида Исроил бош вазири Биньямин Нетаньяҳунинг Лондонга ташрифи пайтида ҳибсга олиниши ҳақида арзномани Буюк Британия парламентига юборишни имзолашди.

Арзнома муаллифларининг таъкидлашича, Нетаньяҳу халқаро ҳуқуқ меъёрларига мувофиқ, Лондонга келиши биланоқ ҳарбий жиноятлар учун ҳибсга олиниши керак. Исроил бош вазири 2014 йилда 2 минг нафар тинч аҳолининг қотиллигида айбланмоқда.

Қайд этилишича, мамлакат ҳукумати 10 мингдан кўпроқ имзо йиққан ҳар қандай арзномани қўриб чиқади.

Биньямин Нетаньяҳу 2015 йилнинг сентябрида Лондонга ташриф буюриши режалаштирилган.