Янги ўзбек автомобил бренди Ravon

Москвада Ravon автомобиллари тақдимот маросими бўлиб ўтди. Олдин Ўзбекистонда ишлаб чиқарилган автомобиллар Daewoo номи билар Россияда сотиларди, лекин ишлаб чиқарувчи, автомобилларга қизиқишни ошириш учун, унинг номини янгилашга қарор қилди. Янги Ravon бренди "вақт билан текширилган, янгитдан ясалган" шиори билан тақдим этилди.

“Ўзавтосаноат” АЖ раиси ўринбосари Тоҳиржон Жалилов, тақдимот маросимида сўзга чиқаркан, харидорлар тажриба ўтказишни хохламайдилар, улар текширилган сифатга ишонадилар, деди. Uz-Daewoo автомобиллари Россия бозорларида сотилишни бошлагандан бери салкам бир миллионга яқин автомобил сотилди. Улардан 300 мингтаси Матиз автомобили. Россиянинг энг кичик А-класс автомобиллар сегментида Матиз улуши 60% ни ташкил қилади. Икки йил олдин пайдо бўлган Gentra автомобили Россияда энг кўп сотиладиган автомобиллар орасида 25 ўринда туради.

Жалиловнинг сўзларига қараганда RAVON сўзи, бир тарафдан инглиз абревиатураси «Reliable Active Vehicle On Road», иккинчи тарафдан ўзбекча "тоза, равон йўл" ёки "осон йўл" деган маънони билдиради.

2015 йилда Ravon харидорларга яхши таниш бўлган Matiz ва Gentra моделларини ишлаб чиқарадилар. Харидорлар яхши кўрадиган Матиз автомобили, биринчи бор хавфсизлик ёстиқчаси, ABS ва иммобилайзер билан жиҳозланган.

Кўргазмада компакт автомобил Ravon R2 (Spark аналоги), Ravon R3 ва янги автомобил Ravon R4 (Cobalt аналоги) тақдим этилди.

Келаси йил автомобиллар тури анча кенгайтирилади. Янги Nexia автомобили пайдо бўлади. Ушбу автомобил Chevrolet Aveo асосида ишлаб чиқарилади.

sputniknews-uz.com дан олинди.