АҚШда “янги” инқироз! Mexico кетди, America келди

АҚШ президенти Дональд Трамп Нью-Мексико штатининг номини “New America” (Янги Америка) деб ўзгартириш ғоясини қўллаб-қувватлади. Трампнинг бу постига Нью-Мексико губернатори Мишель Лухан Гришам “Бу ном муҳокама қилиниши мумкин эмас”, дея норозилик билдирди...

АҚШ ва Мексика ўртасида савдо музокаралари давом этаётган бир пайтда, АҚШ президенти Дональд Трамп ижтимоий тармоқдаги саҳифаси орқали Нью-Мексико штатининг номини “New America” деб ўзгартиришни қўллаб-қувватловчи постлар қолдирди. Трамп АҚШга тегишли турли хариталарнинг тасвирларини бўлишиб, Нью-Мексико жойлашган ҳудуд номини “New America” дея ўзгартирди.

Трамп ўз баёнотида Нью-Мексико штати номини ўзгартириш бўйича таклифлар олганини ва бу ғоя ўзига ёққанини айтди. Трамп, “Потенциал жиҳатдан ақл бовар қилмайдиган даражада зўр, бу штат халқи учун анча нуфузли ва гўзал. Бу менга жуда ёқди”, деган фикрларни билдирди. АҚШда федерал ҳукуматнинг бирор штат номини ўзгартириш ваколати мавжуд эмас.

Трамп бундан олдин Канада билан савдо музокараларида келишувга эришилмаганидан кейин Онтарио кўлининг номини “Lake America” деб ўзгартирган эди.

Нью-Мексико губернатори, демократ Мишель Лухан Гришам эса Трампга ижтимоий тармоқдаги саҳифаси орқали берган жавобида, “Нью-Мексиконинг номи муҳокама қилиниши мумкин эмас; АҚШ мавжуд бўлмасдан олдин ҳам бу ном бизники эди”, дея таъкидлади.